بعد حالة الجدل.. رسائل متبادلة بين رامي صبري والملحن نادر نور

 كشف الملحن نادر نور، عن محادثة دارت بينه وبين المطرب رامي صبري، بعد رسالة الأخير التي أثار بسببها حالة من الجدل وأعتبرها البعض أنها تخص "نادر".
وقال نادر نور في رده على رامي صبري بعد المحادثة التي جمعت بينهما: "ولا يهمك يا حبيبي وأنا مصدقك".
وجاء في رسالة رامي صبري لنادر نور: "صحيت النهاردة لقيت الاستوري بتاعتي ملمسة عليك معرفش إزاي وليه بس ببعتلك أقولك لأنه يهمني تفهم أكيد أكيد كلامي مش عليك ابدا ولا يخصك ابدا أنا بتكلم بشكل عام بس هي شكلها جت فيك من غير قصد".
وكان الملحن نادر نور كشف أن سبب ابتعاده عن الساحة الفنية هو أن المطربين لا يستمعون لأغانيه، قائلا: "بعتذر لكل الناس اللي بتبعتلي كلمات أغاني، من فضلكم متبعتوش تاني، معنديش مشاريع شغال عليها ولا نجوم بتسمع مني أغاني".
وبعدها خرج رامي صبري ليثير الجدل وكتب عبر خاصية القصص القصيرة في حسابه على إنستجرام، عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة.
وأَضاف: "في ناس مضيقة اني كتبت ستوري إن الملحنين اللي بتبعتلي شغل ما بيعملوش حاجة جديدة ومختلفة ايوة دي حقيقة، يعني أنا أعمل الأغنية وخلاص عشان هي بتبعتلي.. أنا بعمل الحاجات اللي شايفها من وجهة نظري مختلفة وجديدة ودا مش المفروض يضايق حد، إحنا المشكلة مش في الملحنين والشعراء كلهم كويسين، لكن إحنا مطربين مش كتير، احنا في السوق المصري حوالي من 7 إلى 10 مطربين بالكتير خالص، والملحنين والشعراء كتير جدا".